«Балауса» бөбекжай-балабақшасында «Мәңгілік елімнің – мәңгілік тілі» Тілдер онкүндігі аясында өткен іс-шаралар бойынша есеп.

    Тілдер онкүндігіне арналған шаралар арнайы жасалып, меңгерушімен бекітілген жоспарға сәйкес өткізілді. Онкүндіктің бірінші күнінен бастап барлық топтарда мемлекеттік тілде сергіту жаттығулары жүргізілді. Бүлдіршіндер қазақ тілі сабағында үйренген сөздерін топтарында қолданып, бекітті. Яғни тілдік орта қалыптастырылды.

      Жоспар бойынша қазақ тілі мұғалімі «Мәңгілік тілімнің – мәңгілік тілі» атты мақала жазып, әлеуметтік желілерде, балабақша сайтында жарияланды. Қазақ тілі сабақтарында балаларға еліміздің көпұлттылығы, татулығы туралы әңгімеленді. Балалар Отан, тіл туралы мақал-мәтелдер жаттады.

      Тілдер онкүндігі барысында балалар әр тілде тіл туралы тақпақтар мен мақал-мәтелдер жаттап, челлендж түріндегі видеоролик түсірілді. Бұл видеоролик те фейсбук әлеуметтік желісіне таралуда.

     Сондай-ақ барлық топтардың тәрбиешілерінің көмегімен «Тілге құрмет – елге құрмет» атты суреттер көрмесі ұйымдастырылды. Ол суреттерден видеопрезентация дайындалып, әлеуметтік желілерге салынды. Сәйкесінше, Қазақстан халқының татулығын, көпұлттылықты паш еткен суреттер салып, белсенділік танытқан ата-аналар мен балаларға алғыстар айтылды.

Қазақ тілі мұғалімі С.Шапауова