Степногорск қаласының «Балауса» бөбекжай-балабақшасында 9 қыркүйек күні жемқорлықтың алдын алуға бағытталған адамгершілік-психологиялық орта, ұйымдастырушылық-құқықтық механизмдерді құру және енгізу мақсатында балабақша ұжымымен отырыс болып өтті.

Қазақстан Республикасының Президенті Қасым-Жомарт Тоқаев жемқорлықпен күрес мәселелері бойынша өткен отырысында еліміздің стратегиялық дамуының басымдықтарының бірі жемқорлықпен күрес екені туралы атап өткен болатын. Бұл бағытта маңызды міндеттер де жүзеге асырылды: Қазақстан ГРЕКО халықаралық ұйымына енді, қарамағындағылардың жемқорлық заңбұзушылықтары үшін басшының қызметтен босатылатыны заңдық күшіне енді.

          Меңгеруші Киселева Г. еңбеккерлерге Қазақстан Республикасының «Жемқорлыққа қарсы әрекет ету туралы» Заңының бар екені туралы айтып, жемқорлықпен күрес туралы балабақша ішінде ақпараттық стендтер, білім беруші ұйымның сайтында материалдар жариялау арқылы ақпараттандыру қажеттігін ескертті.

«Балауса» бөбекжай-балабақшасында қызметкерлермен, ата-аналармен (заңды өкілдерімен) жемқорлық сипатты болдырмау туралы түсіндіру жұмыстары жүргізіліп тұрады.