Құрметті ата-аналар (заңды өкілдер)!

«Балауса» бөбекжайы» МКҚК мен ата-аналар арасындағы қарым-қатынас Қазақстан Республикасы Білім және ғылым министрінің 2016 жылғы 28 қаңтардағы № 93 «Мектепке дейінгі ұйымдар, орта, техникалық және кәсіптік, орта білімнен кейінгі білім беру ұйымдары үшін білім беру қызметтерін көрсетудің үлгілік шартының, техникалық және кәсіптік, орта білімнен кейінгі білім беру ұйымдары үшін кәсіптік практиканы өткізуге арналған үлгілік шарттың және дуальды оқыту туралы үлгілік шарттың нысандарын бекіту туралы» бұйрығына сәйкес бекітілген Үлгілік шарт негізінде реттеледі.

Мектепке дейінгі ұйымдарға арналған білім беру қызметтерін көрсету жөніндегі Үлгілік шарттың 2.3-тармағының 3) тармақшасына сәйкес ата-анаға (заңды өкілге) баланы тәрбиешіге жеке тапсыру және одан жеке алуға міндеттелетінін еске саламыз.

Осыған байланысты сіздерден төмендегілерді сұраймыз:

• балаларды кәмелетке толмаған тұлғаларға және бөгде азаматтарға ертіп жібермеу;
• баланы алып жүруге қатысты өзгерістер туралы тәрбиешілерге уақтылы хабарлау;
• бөбекжай аумағында және жол жүру барысында қауіпсіздік шараларын сақтау.

Аталған талаптар тәрбиеленушілердің өмірі мен денсаулығының қауіпсіздігін қамтамасыз етуге, балалар жарақатының алдын алуға және мектепке дейінгі ұйымдағы балалардың қауіпсіз жағдайда болуына бағытталған.

Тәрбиеленушілеріміздің қауіпсіздігін қамтамасыз ету мәселесінде сіздердің түсіністіктеріңізге, жауапкершіліктеріңізге және ынтымақтастықтарыңызға сенім білдіреміз.

Құрметпен,
«Балауса» бөбекжайы» МКҚК-ң әкімшілігі.